شرح الدرس الاول دراسات للصف السادس الابتدائي الترم الاول 2024 النظام الجديد

الدرس الاول دراسات الصف السادس 2024

1. التاريخ.
2. اللغة.
3. الثقافة.

طيب الجزء بتاع الموقع الجغرافي دا ممكن اجبلك سؤال وأقولك أكمل: يقع الوطن العربي وسط قارات العالم…. وهنا هتكون الاجابة العالم القديم، وممكن يجيبلي سؤال أكمل ويقولي تمتد أراضي الوطن العربي في قارتي…….و………. والاجابة هنا هتكون في أسيا وفي أفريقيا.

انت لو كنت بصيت على الخريطة هتلاقي الجزء اللي في أفريقيا أكبر بكتير من الجزء الأسيوي، وفعلا الجزء ده 72% من الوطن العربي ومع ذلك فيها عشر دول، أما الجزء اللي موجود في أسيا يدوب مساحة تقريبا 28% من المساحة الكلية وفيه 12 دولة، ومن كلامك دا أقدر أقولك ان العشر دول اللي في افريقيا مساحتهم كبيرة، أما الدول الموجودة في قارة أسيا الدول دي معظمها صغير لدرجة إنك لما تيجي تشوف أكبر دول الوطن العربي هتلاقيها في الناحية بتاعة افريقيا اللي هي دولة اسمها الجزائر، أما بقى لما تبص على أصغر دولة في دول الوطن العربي هتلاقيها في الناحية بتاعة أسيا اللي هي دولة البحرين، وبكدا نكون عرفنا أنه عندنا 12 دولة عربية في أسيا وعشر دول في أفريقيا وبرضو عرفنا تقسيم المساحة اللي هم 13 مليون كيلومتر مربع وعرفنا ان 72% من الوطن العربي موجودين في الناحية بتاعة أفريقيا وموجود 28% من المساحة في قارة اسيا.

طب هو مطلوب مني أعرف عن الدول دي إيه؟ أقولك مطلوب منك تعرف أماكن الدول وتعرف أماكنهم على الخريطة وتحفظها بعينك يعني بعينك تكون عارف لو جاء في الخريطة وقالي دي دولة أيه أقوله مصر بلدنا اللي جنبها دي أي؟ ليبيا وكذلك الجزائر حتى الدولة الصغيرة تونس والمغرب وموريتانيا وتحت مصر دي السودان الحتة الصغيرة اللي تحتها دي جيبوتي وتحت الصومال.

أول درس دراسات للصف السادس الابتدائي الترم الاول